黑暗中漫舞

芒~芒~芒果布甸

No name | 24th Jul 2008 | KING KONG | (28 Reads)

呢個芒果布甸好芒果,因為我用咗五個芒果, 三個布甸既份量. so mango.........

上次整既時候落得太多魚膠粉.搞到d布甸硬咗d. 今次好咗d. 不過d鮮奶溶唔到d芒果茸. 所以仲見到d芒果茸係布甸到. 下次試吓用鮮奶嚟打芒果茸.會唔會好d? emotion

食譜

材料 :

芒果 5 個魚膠粉 12茶匙沸熱水 16 安士鮮奶 32 安士吉士粉 4 茶匙

砂糖 12 安士

做法 :

(1) 將芒果起肉 : 一半切粒 / 一半打成茸。

(2) 魚膠粉 + 砂糖 + 沸熱水 ~ 攪拌至完全溶解。

(3) 吉士粉 ~ 用少許鮮奶開勻，加入剩餘鮮奶攪拌勻。

(4) 魚膠水 + 吉士粉水 (混合) 拌勻後，最後將芒果肉 + 芒果茸加入混合拌勻。

(5) 然後倒入已預備好的布甸杯內及放入冰箱內冷藏至凝固

revised from 凍芒果布甸~成報

留言(1) | 引用(0)

生滋愛風開光大典

No name | 16th Jul 2008 | 我甚麼都沒有 | (39 Reads)

嘩哈哈, 我終於都受唔到魔鬼既引誘.....買咗佢番屋企.

未開封前影幾張留念先.

部機比想像中大部but薄過部ipod classic. touch screen好好用, 冇delay.

最鐘意係個手寫板, 當然要試試. 嘩, 認字快又準. 以後攞嚟寫blog會快好多. emotion

梗係要試埋個聽歌function....唱片名,歌名一目了然. 搵歌快過ipod個click wheel. 正!

呢部新玩具有排玩, 下次試埋用wi-fi 上網. 鬼才會用佢又貴, 又唔抵既3G plan. 呵呵呵.

留言(6) | 引用(0)

有冇用呢??

No name | 11th Jul 2008 | 我甚麼都沒有 | (15 Reads)

自己: 好想買, 但係又覺得對自己冇咩用.

天使: 其實咪又係電話一部.

魔鬼: 咁唔係, 呢部可以上網, 又可以用video call.

天使: 但係你已經係公司成日上網, 番到屋企又可以用屋企電腦上網, 前排仲買咗部ecp, 基本上, 行到去邊都可以上網. 除咗坐車番工o個陣....

魔鬼: 咁唔同, 呢部有中文輸入法, 仲有手寫版tim, 好過你部epc個速成啦.

自己: 咁....又係.

天使: 但係每個電話費要加多$30蚊喎....仲要簽成三年約. 三年加埋成千蚊架...

魔鬼: $30蚊, 你去飲餐茶, pack 兩日lunch都係番到啦.

自己: um....咁又係, 最多去超市掃貨時節制d...

魔鬼: 係呀係呀...

天使: 但係你部電話舊年先買, 用咗一年. 而且你好鐘意呢部機款架.

魔鬼: 咁新機同舊機你鐘意邊款多d先??? 梗係新機啦, 如果唔係你使咩想咁耐...

自己: 無可否認, 我又真係貪部新機個款同個名. 就好似d OL咁有個名牌手袋係手, 人都高貴d啦.

魔鬼: (要出殺簡啦) 咪係囉, 你好慳架啦, 冇買名牌手袋, 冇買名牌手錶, 又冇買首飾, 衫都唔買多件. 係有時買吓d電子產品. 不過呢產品你都係有用架, 係咪.

自己: 係喎, 其實我都幾慳. 人地買個手袋都幾千蚊啦. 我呢d三年先使一千蚊..小兒科啦.

天使: 聽講你舊年先買咗部80G既ipod, 一部w880i. 今年仲衰, 年頭買咗部JBL Speaker for ipod, 老公又買咗部CYBER SHOT T300俾你, 跟住你又貪玩買咗部ECP. 咁你仲話慳家? 施主...物欲無限呀.....

自己: um.........(否認中)

魔鬼: 咁今次妹妹話資助你機價, 又有fido dollars, 慳成一百蚊. 而家仲有promotion, $30一個月有成6GB DATA TRANSMISSION. 遲D冇架啦. 遲d$30得300MB....

自己: 呀!!!!!!!!!咁即係點? 買唔買好呀?????????? emotion

留言(0) | 引用(0)

口臭王

No name | 10th Jul 2008 | 我甚麼都沒有 | (37 Reads)

最近, 家中發生了幾個不太好的消息. 雖然唔係一d死人塌樓既事. 但係都夠痳煩.... emotion

係呢d痳煩事未發生之前, 我同老公討論過, 覺得事件未必會順利, 亦都預言過可能會發生呢d痳煩事.

點知真係好既唔靈,醜既靈. 我真係名副其實既口臭王.

其實係好耐之前我已經覺得自己係口臭王. 唔知點解, 當人地話俾我聽佢地既事, 我第一個反應就想起壞o個方面. 自自然然就會潑人泠水. 人地聽到梗係唔鐘意啦. 仲要好多時我又真係講中, o個吓先至大鑊. d人第一時間就會認定係你講o個幾句搞垮件事, 你知啦, 中國人, 十個有九個半都迷信. 佢地覺得如果唔係你講過幾句衰嘢. 件事就唔會變壞.

最大鑊既係, 俾佢地怨得多, 我都認為係自己講o個幾句衰嘢, 令到人地件事變壞. 自此我學識就算自己覺得件事有幾壞都好, 都唔好係人地面前講, 表面地恭喜人兩句就算.

其實一件事會變好變壞既機會率都係一半一半. 但係再加上環境同人為因素. 你好容易會估到件事會變好定變壞. 只不過當事人當局者迷先會覺得o個結局一定係好, 壞事一定唔會發生.

今次多得老公既體諒, 明白件事唔會因為我一句半句既說話而變壞. 冇好似其他人咁怨我.

不過下次我都係唔會咁多口......因為我唔想再做口臭王. emotion

留言(0) | 引用(0)

年年有今日

No name | 3rd Jul 2008 | 我甚麼都沒有 | (18 Reads)

又大一歲啦, 生性啦, 儲多個錢. 唔好咁任性. 勤力d搵錢, 保持身體健康. 知冇.

希望可以同你過好好多個生日. ^_^

覺得方力申o個幾句和音好似特別好聽, 比起佢自己獨唱更好聽.

不過mtv內, 佢個頭想點呢? 係咪因為古生係莊, 佢係閒. 所以佢要轉look, 唔好同古生撞呢?

呢個頭, 有黑超同影側面都幾好, 幾有型. but冇黑超同正面時, 佢有好似小朋友扮大人咁. young咗五年呀.

======================================================

唱得最好: 田生

最大suprise: 方生, 如果可以再放d更好.

最辛苦: link, beat足成場, 但係近鏡都冇個, 又要企則邊.

最大方: 古生, 自己既演唱會, 卻搵咁大班人嚟搶自己鏡.

留言(2) | 引用(0)

明日花　昨日已開

No name | 22nd Jun 2008 | 忘記歌詞 | (89 Reads)

年輕時, 覺得自已有漫漫長路, 未來一定會遇到更好的人和事.

最後發覺, 原來最合意的...卻可能是最早遇上的那一個.

櫻花樹下

唱：張敬軒
作曲：伍卓賢
填詞：林若寧

樹蔭有一隻蟬　跌落你身邊
驚慌到失足向前　然後撲入我一雙肩
現你腼腆一臉　像櫻花萬千
懷念美好高中兩年期望你的青春不變去到今天

還記得櫻花正開　還未懂跟你示愛
初春來時彼此約定過　繼續期待
人置身這大時代　投入幾番競技賽
曾分開　曾相愛　等待　花蕊又跌下來　
才洞悉這是戀愛

未有過的愛情　但有種溫馨
歸家那單車小徑　沿路細聽你的歌聲
沒法再三傾聽　你的感動匿稱
維繫錯的一番友情　無奈已經不可糾正太過堅貞

還記得櫻花正開　還未懂跟你示愛
初春來時彼此閉著眼　渴望未來
人置身這大時代　投入幾番競技賽
曾分開　曾相愛　等待　跟你未愛的愛
你說悲不悲哀

妙在之間變改　小小世界
眷戀　也許走不破　拆卸的街
仕女亦隨年漸長　走得多麼快

如有天櫻花再開　期望可跟你示愛
當天園林今天已換上　滿地青苔
如有天置地門外　乘電車跨過大海
匆匆　跟你　相望一眼沒理睬
明日花　昨日已開

留言(2) | 引用(0)

有樓, 有樓 ; 冇樓, 冇樓.

No name | 14th Jun 2008 | 我甚麼都沒有 | (35 Reads)

近幾年, 這裡的樓價好似坐火箭的.

早幾年, 一間很普通, 面積剛好夠一個小康之家適用的獨立屋, 才賣三十多萬.
現在要賣五十多萬.

最近, 屋企附近有樓賣, 八掛的我當然要八吓佢賣幾錢.

一問之下, 它竟然要賣...七十萬...差一蚊.

痴線, 真係痴線. o個間屋三年前才賣五十萬, 現在屋主要賣七十萬.

七十萬呀, 呢個對我來講就係天文數字, 七十萬係十年前係可以買半個山頭, 起一間有四車房,十幾間房, 地庫可以大到起個室內泳池既豪華大屋.

而家七十萬只可以買o個間得兩車房, 四睡房, 得三千幾呎既屋仔??? 有冇搞錯.

我又唔覺d人工係呢十年嚟加咗咁多.

唔通真係好似黃子華咁講,

牛頓第八定律:
有樓, 有樓,
冇樓, 冇樓,
有樓可以冇樓,
冇樓既, 就永世都冇樓.

黃子華 - 末世財神(1994)