呢個芒果布甸好芒果,因為我用咗五個芒果, 三個布甸既份量. so mango.........

上次整既時候落得太多魚膠粉.搞到d布甸硬咗d. 今次好咗d. 不過d鮮奶溶唔到d芒果茸. 所以仲見到d芒果茸係布甸到. 下次試吓用鮮奶嚟打芒果茸.會唔會好d?

食 譜

材 料 :

芒果 5 個 魚膠粉 12茶匙 沸熱水 16 安士 鮮奶 32 安士 吉士粉 4 茶匙

砂糖 12 安士

做 法 :

(1) 將芒果起肉 : 一半切粒 / 一半打成茸 。

(2) 魚膠粉 + 砂糖 + 沸熱水 ~ 攪拌至完全溶解 。

(3) 吉士粉 ~ 用少許鮮奶開勻 ，加入剩餘鮮奶攪拌勻。

(4) 魚膠水 + 吉士粉水  (混合) 拌勻後，最後將芒果肉 + 芒果茸加入混合拌勻。

(5) 然後倒入已預備好的布甸杯內 及 放入冰箱內冷藏至凝固

revised from 凍芒果布甸~成報

未開封前影幾張留念先.

部機比想像中大部but薄過部ipod classic. touch screen好好用, 冇delay.

最鐘意係個手寫板, 當然要試試. 嘩, 認字快又準. 以後攞嚟寫blog會快好多.

梗係要試埋個聽歌function....唱片名,歌名一目了然. 搵歌快過ipod個click wheel. 正!

呢部新玩具有排玩, 下次試埋用wi-fi 上網. 鬼才會用佢又貴, 又唔抵既3G plan. 呵呵呵.

天使: 其實咪又係電話一部.

魔鬼: 咁唔係, 呢部可以上網, 又可以用video call.

天使: 但係你已經係公司成日上網, 番到屋企又可以用屋企電腦上網, 前排仲買咗部ecp, 基本上, 行到去邊都可以上網. 除咗坐車番工o個陣....

魔鬼: 咁唔同, 呢部有中文輸入法, 仲有手寫版tim, 好過你部epc個速成啦.

自己: 咁....又係.

天使: 但係每個電話費要加多$30蚊喎....仲要簽成三年約. 三年加埋成千蚊架...

魔鬼: $30蚊, 你去飲餐茶, pack 兩日lunch都係番到啦.

自己: um....咁又係, 最多去超市掃貨時節制d...

魔鬼: 係呀係呀...

天使: 但係你部電話舊年先買, 用咗一年. 而且你好鐘意呢部機款架.

魔鬼: 咁新機同舊機你鐘意邊款多d先??? 梗係新機啦, 如果唔係你使咩想咁耐...

自己: 無可否認, 我又真係貪部新機個款同個名. 就好似d OL咁有個名牌手袋係手, 人都高貴d啦.

魔鬼: (要出殺簡啦) 咪係囉, 你好慳架啦, 冇買名牌手袋, 冇買名牌手錶, 又冇買首飾, 衫都唔買多件. 係有時買吓d電子產品. 不過呢產品你都係有用架, 係咪.

自己: 係喎, 其實我都幾慳. 人地買個手袋都幾千蚊啦. 我呢d三年先使一千蚊..小兒科啦.

天使: 聽講你舊年先買咗部80G既ipod, 一部w880i. 今年仲衰, 年頭買咗部JBL Speaker for ipod, 老公又買咗部CYBER SHOT T300俾你, 跟住你又貪玩買咗部ECP. 咁你仲話慳家? 施主...物欲無限呀.....

自己: um.........(否認中)

魔鬼: 咁今次妹妹話資助你機價, 又有fido dollars, 慳成一百蚊. 而家仲有promotion, $30一個月有成6GB DATA TRANSMISSION. 遲D冇架啦. 遲d$30得300MB....

自己: 呀!!!!!!!!!咁即係點? 買唔買好呀??????????

係呢d痳煩事未發生之前, 我同老公討論過, 覺得事件未必會順利, 亦都預言過可能會發生呢d痳煩事.

點知真係好既唔靈,醜既靈. 我真係名副其實既口臭王.

其 實係好耐之前我已經覺得自己係口臭王. 唔知點解, 當人地話俾我聽佢地既事, 我第一個反應就想起壞o個方面. 自自然然就會潑人泠水. 人地聽到梗係唔鐘意啦. 仲要好多時我又真係講中, o個吓先至大鑊. d人第一時間就會認定係你講o個幾句搞垮件事, 你知啦, 中國人, 十個有九個半都迷信. 佢地覺得如果唔係你講過幾句衰嘢. 件事就唔會變壞.

最大鑊既係, 俾佢地怨得多, 我都認為係自己講o個幾句衰嘢, 令到人地件事變壞. 自此我學識就算自己覺得件事有幾壞都好, 都唔好係人地面前講, 表面地恭喜人兩句就算.

其實一件事會變好變壞既機會率都係一半一半. 但係再加上環境同人為因素. 你好容易會估到件事會變好定變壞. 只不過當事人當局者迷先會覺得o個結局一定係好, 壞事一定唔會發生.

今次多得老公既體諒, 明白件事唔會因為我一句半句既說話而變壞. 冇好似其他人咁怨我.

不過下次我都係唔會咁多口......因為我唔想再做口臭王. 

又大一歲啦, 生性啦, 儲多個錢. 唔好咁任性. 勤力d搵錢, 保持身體健康. 知冇.

 希望可以同你過好好多個生日. ^_^

覺得方力申o個幾句和音好似特別好聽, 比起佢自己獨唱更好聽.

不過mtv內,  佢個頭想點呢? 係咪因為古生係莊, 佢係閒. 所以佢要轉look, 唔好同古生撞呢?

呢個頭, 有黑超同影側面都幾好, 幾有型. but冇黑超同正面時, 佢有好似小朋友扮大人咁. young咗五年呀. 

======================================================

唱得最好: 田生

最大suprise: 方生, 如果可以再放d更好.

最辛苦: link, beat足成場, 但係近鏡都冇個, 又要企則邊.

最大方: 古生,  自己既演唱會, 卻搵咁大班人嚟搶自己鏡.

年輕時, 覺得自已有漫漫長路, 未來一定會遇到更好的人和事.

最後發覺, 原來最合意的...卻可能是最早遇上的那一個.

櫻花樹下

唱：張敬軒
作曲：伍卓賢
填詞：林若寧

樹蔭有一隻蟬　跌落你身邊
驚慌到失足向前　然後撲入我一雙肩
現你腼腆一臉　像櫻花萬千
懷念美好高中兩年 期望你的青春不變 去到今天

還記得櫻花正開　還未懂跟你示愛
初春來時彼此約定過　繼續期待
人置身這大時代　投入幾番競技賽
曾分開　曾相愛　等待　花蕊又跌下來　
才洞悉這是戀愛

未有過的愛情　但有種溫馨
歸家那單車小徑　沿路細聽你的歌聲
沒法再三傾聽　你的感動匿稱
維繫錯的一番友情　無奈已經不可糾正 太過堅貞

還記得櫻花正開　還未懂跟你示愛
初春來時彼此閉著眼　渴望未來
人置身這大時代　投入幾番競技賽
曾分開　曾相愛　等待　跟你未愛的愛
你說悲不悲哀

妙在之間變改　小小世界
眷戀　也許走不破　拆卸的街
仕女亦隨年漸長　走得多麼快

如有天櫻花再開　期望可跟你示愛
當天園林今天已換上　滿地青苔
如有天置地門外　乘電車跨過大海
匆匆　跟你　相望一眼沒理睬
明日花　昨日已開

牛頓第八定律:
有樓, 有樓,
冇樓, 冇樓,
有樓可以冇樓,
冇樓既, 就永世都冇樓.

黃子華 - 末世財神(1994)

我第一個反應是...又生日?? 你係咪記錯呀, 我好似同阿婆食飯慶祝冇耐....

係呀, 我係同阿婆食飯慶祝生日, 不過係上年既生日.

嘩..真係光陰似箭. 咁快又一年. 我仲覺得我係香港番嚟冇耐.

係今年太忙, 所以時間過得特別快,

定係今年冇咩大事發生, 所以時間過得特別快,

又或者今年過得太開心, 所以時間過得特別快?

婆婆, 祝你身體健康, 福如東海, 壽比南山.

事情怎可能這樣壞.

地震已經夠可怕, 又有水壩缺堤的危險.

在電視看見解放軍慌忙把婆婆帶往高山躲, 心酸透了....

之後又有餘震....六級呀..六級都算是餘震???!!!!!!

壞消息何時才會停.......

3份2的歌都是華星年代...實在太好聽.

好聽,  因為這些歌有著太多回憶....

當佢唱完兩首係"到此一遊"O個隻碟既歌之後, 佢問"仲記唔記得呢兩首歌",  有觀衆答佢"呢世到記得." 我同個觀衆一樣, 呢世都會記得. 就算佢六十年後再演唱會, 我都會為呢兩首歌入場聽佢唱歌. 

華星年代的千FA實在太好, 沒有為高音而高音. 平平淡淡的KEY加上林夕的詞. 已經深深打動我. 夕爺啊, 請你不要再填那些人生道埋的歌. 愛情才是你的強項. 沒有你的詞, 千FA的情歌不再是情歌. 

最大的驚喜不是千FA跳舞, 是她唱了"繼續努力".這隻歌的歌詞就是我的心聲,估唔到我有機會聽佢唱現場...

O個首"我的心裏只有你沒有他"成日係我腦裏面播. 做做吓嘢又會哼兩句. 點解呢??

睇番CREDIT先知首歌係王祖藍唱. 真係唱得好似六十年代既歌聲.

尤其是呢首"像霧又像花",個句"好像風兒吹窗紗",個 R音真係......笑到我碌落地.

又聽吓原唱, 比較吓.

=================================================

*得 no reason 提示, 増加了AT17 版本和更多.

(閱讀全文)

突然想起這件外套我已經穿了五年了.

五年是一個多麼長的日子.

我想我已經老了.

以前一件外套的壽命只有三至四個月. 頂多穿半年, 之後一定會換一件新款的, 流行的. 如今這一件外套居然給我穿了五年. 我已經不知道最流行的是什麼款式.

以前見到阿叔一件外套可以穿十年, 我好驚訝. 就算件衫唔爛, 都冇埋由著一件十年前款式既衫出街. 而家, 估唔到我都有今日.

我真的是老成熟了.

當我發現我已經唔計較牛仔褲的款式, 只要它可以包著我的肥肚便可以了.

當我發現我每個星期都回家吃飯, 見屋企人的時間比起見朋友更多.

當我發現星期六晚, 唔出街唔會有嘢咬, 我可以安坐在家中看無味的電視, 也不想出街, 在嘈雜的地方跟朋友聚腳.

當我發現身邊的朋友都結了婚, 亦開始生bb, 最近幾次行街都是為了買禮物給bb.

當我發現朋友的話題不是去邊度玩, 而是你層樓供幾多厘, 又或者係邊款bb車好用.

當我發現我終於賺到我所想要既人工, 但係銀行户口竟然被做學生既時更低.因為我要供車,供樓,供養閒人,供養番狗. 

當我發現沒有什麼事值得興奮,  亦明白到世界難撈,  搵食艱難, 已經對前路冇期望,冇夢想. 只想快點退休, 然後等政府養.

最重是............ 

當我發現我的體重是十八歲的一倍. 我知道......我真的是成熟透了.

見到好多花呀!!

(閱讀全文)

記得入大學前的暑假, 因為百無聊賴, 又想搵d水腳係大學時候用. 我就係o個個暑假搵咗份酒樓傳菜既工嚟做.

係呢處, 酒樓唔會只開係唐人街. 只要有中國人住既地方, 就梗有一間酒樓係左近. 所以我話咁易就搵到工.

見工既過程就更簡單, 阿姐俾張點心紙我, 用十五分鐘記晒點心屬於既大中小點, 然後背番出嚟. 對於自小逢weekend都飲茶既我, 簡直係easy job啦. 阿姐好滿意個結果就請咗我.

我既工作只係負責攞蒸好既點心俾客人. 聽落好似幾容易. 但係人多既時候, 好似星期六同日. 真係做死人. 因為d點心多都嚇死你, 好似座山咁, 已經每次攞十幾籠點心出去, 番到入廚房, 又有幾十籠等緊你, 攞遲半步都會被點心師傅鬧.

講番正題, 今次傳菜唔怕被人鬧, 亦唔會有幾十籠點心等緊我. 今次我要傳既係我既下午茶, tim hortons 既奶茶同 timbits.

(閱讀全文)

2. 假如我是男人, 我應該幾靚仔, 因為我遺傳了我老豆既英氣, 粗眉大眼, 大鼻, 厚唇.

3. 假如我是男人, 我應該唔使買過d衫, 因為我多數著男裝衫.

4. 假如我是男人, 我應該冇咁早結婚. 因為男人四十都可以同d二十既妹妹結婚. 但係女人四十基本上冇人會同佢結婚.

5. 假如我是男人, 我應該唔會點拍拖, 因為我知女人好麻煩.

6. 假如我是男人, 我應該唔似女人形, 因為我性恪係粗粗魯魯.

7. 假如我是男人, 我應該幾適合做苦工, 因為我擔得抬得, 好大力.

8. 假如我是男人, 我應該好麻甩, 因為我做女人o個陣都好懶, 唔化妝, 唔護膚.

9. 假如我是男人, 我阿媽應該好過d, 因為我阿女麻成日話我阿媽生兩個蝕本貨.

10. 假如我是男人, 我應該會同我老豆感情好d, 什至乎會跟佢搵食.

11. 假如我是男人, 我應該唔怕被人搞大個肚, 只怕搞大人地個肚, 要養人地同個bb過世.

12. 假如我是男人, 我應該唔怕冇仔送終, 因為我唔要bb, 我唔識教仔.

13. 假如我是男人, 我應該係傻仔一名, 出街買嘢實被人昆.

14. 假如我是男人, 我應該冇咩男性朋友, 因為我唔識吹水,唔識溝女.

15. 假如我是男人, 我應該會想做廚師多過想做工程師, 我鐘意煮嘢食. 而且男仔容易入行好多.

16. 假如我是男人, 我應該係k room 唱eason同beyond既時候, 唔會被其他男仔眼超超.

寫寫下, 我覺得呢世人應該做男人. 而家做女人好似做錯咗tim.

反串友盟：

1. 如果我是男生 101 ~ myblahblahblah（源頭）
2. 對號入座，如果我是男人101 ~ readandeat
3. 假如我是男人 ~ Mad Dog
4. 假如我是女人 ~ Mugen C
5. 假如我是女人 ~ 大雄
6. 假如我不是男人 ~ 五師兄
7. 假如我是女人? ~ 新鮮人
8. 假如我是男人 ~ 嘉
9. 假如我是女人 ~ 黄德峻
10. 假如我不是女人 ~ nikita
11. 假如我不是男人 ~ 公園仔
12. 如果我是女人 ~ 陳奉京
13. 我會係你老母 ~ 電鋸
14. 如果我是女人 ~ 庫斯克
15. 假如我是男人... ~ angeL
16. 假如我是男人 ~ lazybrenda
17. 假如我是女人 ~ tommyjonk
18. 假如我是港女 ~ ClubEddy
19. 假如我是男人 ~ 冬冬
20. 假如我是男人 ~ 逍遙小妹
21. 假如我是男人 ~ marcellabear
22. 假如我是男子 ~ Rosery
23. 假如我是一個女人 ~ leotsui318
24. 假如我是女人 ~ kelvinin642
25. 如果我是女生，我會... ~ 大腦電波
26. 假如我是女人 ~ 史提芬
27. 假如我是男人 ~ Mavis